គ្រោង​បំប្លែង​ភ្នំ​សំរាម​នៅ​ដង្កោ​ជា​ថាម​ពល​អគ្គិសនី

កន្លែងចាក់សំរាម

ភ្នំ​សំរាម​ក្នុង​រាជធានី​ភ្នំពេញ​អាច​នឹង​ធ្វើ​ឲ្យ​ទីក្រុង​នេះ ​មានភ្លើង​​ប្រើ​ប្រាស់​បន្ថែម​ទៀត​នៅ​ដើម​ឆ្នាំ២០១៥​ ប្រសិន​បើ
​គម្រោង​វិនិយោគ​រោងចក្រ​ផលិត​ឧស្ម័ន​ដំណើរ​ការ​តាម​គម្រោង។នេះ​បើ​យោង​តាម​ក្រុម​អភិវឌ្ឍន៍​និង​មន្រ្តី​ក្រុង​បាន​អះអាង​ ។



ក្រោម​សំណើ​ថ្មី​មួយ​ដាក់​ទៅ​សាលា​រាជ​ធានី​ភ្នំពេញ ​កាល​ពី​ថ្ងៃ​អង្គារ​សប្តាហ៍​មុនក្រុម​ហ៊ុន Green Asia Global
Corpora- tion កំពុង​តែ​បន្ត​ដំណើរ​ការ​ទៅ​មុខ​ជា​មួយ​នឹង​ការ​សិក្សា ដើម្បី​កំណត់​ពី​លទ្ធភាព​សង់​រោងចក្រ​ផលិត​
ឧស្ម័ន​ពី​កាក​សំណល់ មួយ​នៅ​កន្លែង​ចាក់​កាក​សំណល់​ក្នុង​ខណ្ឌ​ដង្កោ​ដែល​អាច​បំប្លែង​កាកសំណល់​ជាង​១.២០០
​តោន​ឲ្យ​ទៅ​ជា​អគ្គិសនី​កម្លាំង៣០​មេហ្គាវ៉ាត់ ជា​ប្រចាំ​រាល់​ថ្ងៃ​។ នេះ​បើ​យោង​តាម លោកលី ថាញប៊ីញ អគ្គ​នាយក
និង​ជា​នាយក​ប្រតិបត្តិ​នៃ​ក្រុម​ហ៊ុនGreen Asia Global បាន​លើក​ឡើង ។

លោកលី ថាញប៊ីញ បាន​ថ្លែង​ថា«យើង​ព្យាករ​ឃើញ​ថាអាច​នឹង​កាត់​បន្ថយ​ទំហំ​គំនរ​សំរាម​បាន​៣​ទៅ​៥​ភាគ​រយនៃ
​ទំហំ​បច្ចុប្បន្ន»។ លោក​ថា យើង​នឹង​ប្រមូល​យក​សំរាម​ចំនួន១៥០​តោន ពី​គំនរ​សំរាម​នោះ​រាល់​ថ្ងៃ ក្រៅ​ពី​បរិមាណ
​សំរាម​ថ្មី​ដែល​យក​ទៅ​ចោល​ប្រចាំ​ថ្ងៃ​ ។

ក្រុម​ហ៊ុន​គ្រោង​នឹង​លក់​ថាមពល​របស់​ខ្លួន​ឲ្យ​ទៅ​អគ្គិសនី​កម្ពុជានៅ​តម្លៃ៩,៥ ​សេន​ដុល្លារ​អាមេរិក​ក្នុង​មួយ​គីឡូ​វ៉ាត់​
ម៉ោង ។

លោកអ៊ីវ វិសាល អនុ​ប្រធាន​ផ្នែក​ចែក​ចាយ​នៅ​អគ្គិសនី​កម្ពុជាថ្លែង​ថា​៖«​៩,៥ ? ល្អ​ណាស់»​ ។

តាម​លោកអ៊ីវវិសាលរាជធានី​ភ្នំ​ពេញ​បច្ចុប្បន្ន​ត្រូវ​ការ​អគ្គិសនី​ចំនួន៣៧០មេហ្គា​វ៉ាត់​ម៉ោងក្នុង​មួយ​ថ្ងៃៗក្នុង​នោះ​មាន
១៣៥មេហ្គាវ៉ាត់ នាំ​ចូល​មក​ពី​ប្រទេស​វៀតណាម​ក្នុង​តម្លៃ​ខ្ពស់​ជាង​តម្លៃ​ក្រុម​ហ៊ុន Green Asia ​ហើយ​តម្លៃ​និង​ការ​
ផ្គត់​ផ្គង់​អគ្គិសនី​នាំ​ចូល​នេះអាច​ប្រែ​ប្រួល​ ។

លោក​បាន​ប្រាប់​ថា«​យោង​តាម​កិច្ច​សន្យាវៀត​ណាម​ត្រូវ​ផ្តល់​ភ្លើង​ឲ្យ​យើ​ងចំនួន២០០​មេហ្គាវ៉ាត់ ប៉ុន្តែ​ពួក​គេ​នៅខ្វះ
ដូច្នេះ​គេ​ផ្តល់​ឲ្យ​យើង​បាន​ត្រឹម​តែ​១៣៥មេហ្គា​វ៉ាត់តែ​ប៉ុណ្ណោះ»។លោក​បន្ថែម​ថានាពេល​ថ្មីៗ​នេះអត្រា​តម្លៃ​អគ្គិសនី
​នឹង​មាន​ការ​កើន​ឡើង​ចំនួន​៣០​ភាគរយ ។

«យើង​ចង់​ឲ្យ​អត្រា​តម្លៃ​វាចុះ​ទាប​ជាង​មុនដូច្នេះ​យើង​អាច​លក់​ឲ្យ​អតិថិជន​ក្នុងត​ម្លៃ​ទាប»​ ។

តែទោះ​យ៉ាង​នេះសាលា​រាជធានី​បាន​ស្នើ​ឲ្យ​តម្កល់​ប្រាក់​ពី​ក្រុម​ហ៊ុន Green Asia Global ​ចំនួន ១០ លាន​ដុល្លារ
​អាមេរិក​ដើម្បី​ធានា​បញ្ជាក់​ថាខ្លួន​មាន​គោល​បំណង​ប្រាកដ​មែន​ ។

លោកជៀក អាង ប្រធាន​មន្ទីរ​បរិស្ថាន​រាជធានី​ភ្នំពេញ​មាន​ប្រសាសន៍​ថា​«​ក្រុម​ហ៊ុន​ខ្លះ​គ្មាន​បំណង​ធ្វើ​ពិត​ប្រាកដ
​ទេ នោះ​គឺ​ជា​មូលហេតុ​ដែល​អភិបាល​រាជធានី​លោក​ស្នើ​ទៅ​ក្រុម​ហ៊ុន​ឲ្យតម្កល់​ប្រាក់​ធានា​ជាមុន​» ។

លោកលី បាន​សម្តែង​ការ​បារម្ភ​ពី​ទំហំ​ទឹក​ប្រាក់​ដែល​ត្រូវ​តម្កល់នេះ​ដោយសារ​ថាប្រាក់​ចំណូល​ពី​ការ​លក់​អគ្គិសនី​
វិញ​មាន​ចំនួន​តិច ​។

តែយ៉ាងណា​លោកលី អះ​អាង​ថា​ គំនិត​នៃ​ការ​តម្រូវ​ឲ្យ​មាន​ការ​តម្កល់​ប្រាក់​កក់​មុន​នេះ​មិនមែន​ជា​បញ្ហា​ចោទ​ទាំង
​ស្រុងសម្រាប់​ក្រុម​ហ៊ុន​លោក​ទេ ។​

លោកលី បាន​បញ្ជាក់​ដែរ​ថា​៖ «​ក្រុម​ហ៊ុន​យើង​អាច​បង្ហាញ​ពី​ទឹក​ប្រាក់​នោះ​បាន» ៕

អត្ថបទដកស្រង់ពីកាសែតភ្នំពេញប៉ុស្តិ